Euskara ikastaroetarako laguntza eskaera

Ebazteko organo kudeatzailea

Zizur Nagusiko Udala - Kultura eta Euskara arloa

Helburua

Euskara ikastaroetarako dirulaguntzen eskaera

Eskabide epea

2026ko irailaren 30a.

Onuradunak

• 16 urtetik gorakoa izatea.
• Zizur Nagusian erroldatua egotea, gutxienez ere urte bateko antzinatasunarekin laguntza eskatu den egunetik kontatua eta laguntzeko eskatzen den ikastaroak irauten duen bitartean.
• Gutxieneko asistentzia-portzentajea %80koa izatea.
• Zizur Nagusiko Udaleko zerga betebeharren ordainketa egunean izatea.

beharrezko dokumentazioa

Eskabidearekin batera ondoko agiri hauek aurkeztu beharko dira:

• Familiaren diru-sarrera gordinak egiaztatzen dituen agiria.
• Ikastaroa antolatzen duen entitatearen ziurtagiria, haren baldintzak zehaztuta: iraupen datak, maila, ikastorduen kopurua, ikastaroaren kostua eta eskatzaileak izan duen asistentzia-portzentajea.
• Matrikularen ordainagiria (banku entitateak luzatua). Bertan matrikularen %100 ordaindua dela egonen da jasota.
• Eskatzailearen kontu korrontearen zenbakia (24 digitu).
• Nafarroako Ogasun Publikoko zerga betebeharren ordainketa eguneratuak izatea.
• Erantzukizunpeko adierazpena (1. eranskina) eta Helburu bererako dirulaguntza eskatzeko erantzukizunpeko adierazpena (2. eranskina).

Orobat, hala badagokio, ondoko agiri hauek aurkeztu beharko dira:

• Erretiratuak edo pentsiodunak badira, edo lan ezintasuneko egoeran edo baliaezintasun egoeran dauden langileak badira, eskatzaileek eskaera aurreko hamabi hilabeteetan jasotako pentsioaren edo prestazio ekonomikoaren ziurtagiria aurkeztuko dute.
• Norberaren konturako langileak badira, eskatzaileek Gizarte Segurantzarendako urteko kotizazioaren ziurtagiria aurkeztuko dute, bertan jasota kuotak kalkulatzeko urteko oinarria eta diru-sarrerei buruzko aitorpen pertsonala.
• Langabezian badaude, eskatzaileek Estatuko Enplegu Zerbitzu Publikoak (SEPE) luzatutako ziurtagiria aurkeztuko dute, eskaera aurreko hamabi hilabeteetan jasotako prestazioak egiaztaturik.

nao