DIRULAGUNTZAK: Deialdia, eraikinak birgaitzeko, irisgarritasunerako, eraginkortasun energetikorako eta hiria berroneratzeko laguntzak arautzen dituena. 2026 urtea.

Organo kudeatzailea

Zizur Nagusiko udala - Hirigintza arloa

Helburua

Deialdi honen helburua da bizitegi-eraikinen eta horien instalazioen energia-eraginkortasuna hobetzeko eta aurrezteko jarduketak dinamizatzea. Jarduera horiek irisgarritasuna hobetzeko obretara bidera daitezke, bai eraikinetan, bai inguruetan, arkitektura eta hirigintza jasangarria eta ingurumena errespetatzen duena sustatuz.

Beste helburuetako bat da horrelako obrak egin nahi dituzten jabeen erkidegoetan erabakiak hartzea erraztea, egoera ekonomiko ahulenean dauden bizilagunek ordaindu beharreko kuotaren zati handi bat finantzatuz.

Eskatzaileak – Onuradunak

Laguntzen onuradun izan daitezke deialdiaren 5. oinarrian edo eraikinak birgaitzeko eta hiria berroneratzeko laguntzei buruzko udal ordenantzaren I. eranskineko atalean ezarritako betekizunak edo baldintzak betetzen dituzten pertsona edo erakunde eskatzaileak.

Betekizun edo baldintza espezifikoak

a)      "Laguntza orokorrak" izenekoetan:

 1.- Oro har, honako baldintza hauek betetzen dituzten higiezinek soilik jaso ahal izango dituzte udal-laguntzak:

•    Tipologia kolektiboko edo familia bakarreko etxebizitza-erabilera izatea (isolatua edo atxikia); Udal Planean Ondare Arkitektoniko gisa katalogatuta egotea; edo monumentu historiko-artistiko izendatuta egotea.

•   Eraikinek eta instalazioek 25 urteko edo hortik gorako antzinatasuna izan behar dute, eta/edo birgaitu beharreko eraikinek Eraikinen Baldintza Teknikoei buruzko Eraikuntzako Oinarrizko Araua (EOA-CT-79) indarrean sartu aurretik eraikiak izan behar dutela. Baldintza hori ez da eskatuko ordenantza honetako 4. artikuluko 4.1.3 eta 4.2.1 ataletan araututako jardueretan.

•       Hirigintza-plangintzan edo hura garatzen duen araudian xedatutakora egokitzea, jarduera-eremuari eragiten badio. "Antolamenduz kanpo" dauden eraikinetako obrak ezin izango dira birgaitzeko udal-laguntzen xede izan.

 2.- Komunitateek sustatutako jardueretarako baldintza bereziak inguratzaile energetikoa jartzeko, 5.1 atalean sartutakoez gain:

•  Nafarroako Gobernuaren Birgaitze Babestuaren behin-behineko kalifikazioaren espedientea lortu izana
• Jarduketak Eraikinen Ebaluazio Txostenean (IEE) adierazitako obrak egin beharko dira GAI egoera eskuratzeko.
• Obretan gutxienez eraikinen inguratzaile termikoa jartzea jasotzea, udalaren ekimenez sustatutako Energia Berroneratzeko Proiektuetan edo dagokion Esku-hartze Orokorreko Proiektuan markatutako adierazle teknikoak eta konpositiboak bilduta.

 b)      "Kalteberatasun-egoeretarako ezohiko laguntzak" izenekoetan

Kalteberatasun-egoeretarako laguntza bereziak eskatu ahal izango dituzte jabekideen erkidego bateko kide izanik, ordenantzaren 4. artikuluan deskribatutako jarduketetako baten kostuetan parte hartzera behartuta dauden jabeek edo gozamendunek, bertan aurreikusitako baldintzak beteta, eta honako baldintza hauek bete beharko dituzte:

• Etxebizitzan ohiko bizileku iraunkorra izatea eta bertan erroldatuta egotea, eta Udalari berariaz baimena ematea ofizioz egiaztatzeko.
• Dirulaguntzaren xede den etxebizitzaz bestelako baten jabe ez izatea, % 25eko koefizientean edo handiagoan.
• Dirulaguntzaren xede den etxebizitzaz bestelako baten gozamenduna ez izatea.
• Udal-zergen ordainketak egunean izatea, eta Zizur Nagusiko Udalarekin inolako ordaindu gabeko zorrik ez izatea.
• Beren-beregi baimena ematea Udalari Jabetza Erregistroan inskribatzeko laguntza honen onuradun izan izanaren bazterreko idatzoharra eta, inter vivos eskualdatu edo kostu bidez lagatzen bada, hura itzultzeko betebeharra, laguntza ematen denetik 5 urte igaro baino lehen, 2. AGIRIAren arabera.

Zenbatekoa

2026ko ekitaldirako zenbateko osoa 75.000 eurokoa da.

Aurkeztu beharreko dokumentazioa

a)     "Laguntza orokorrak" izenekoetan:

Hasierako eskabidearekin batera, Ordenantzan zerrendatutako baldintzak betetzen direla egiaztatzen duten datuak aurkeztu beharko dira, eta jarraian zerrendatzen diren datu hauek aurkeztu beharko dira:

1. Obra-lizentzia eskatzeko inprimakia.

2. Titularraren izenean dagoen banku-kontuaren zenbakia.

3. Hala dagokionean, Nafarroako Gobernuaren Birgaitze Babestuaren behin-behineko kalifikazioaren espedientearen egiaztagiria.

4. Enpresa desberdinen hiru aurrekonturen kopia edo hiru eskaintza/aurrekontu eskatzeko konpromisoa, proiektuan edo memorian jasotako obrak kontratatzeko, laguntza kalkulatzeko oinarriaren zenbatekoa 30.000 eurotik gorakoa denean, eta eskaintzarik onena hautatzeko balorazio-irizpideak adierazita.

5. Erkidegoen kasuan, gainera, honako hauek eskatuko dira:

• Erkidegoaren ziurtagiria, jabeak, jabeen erkidegoaren barruko partaidetza-koefizientea zatiketa horizontalaren arabera eta bakoitzari esleitutako obraren kostua adieraziz.
• Jabeen Batzordearen edo kudeaketa-erakundearen baliozko erabakia, obrak egiteko konpromisoa berariaz adierazita.
• -Komunitatearen kontu-zenbakia edo izena duen banku-erakundearen ziurtagiria.

b)     "Kalteberatasun-egoeretarako ezohiko laguntzak" izenekoetan:

1. Laguntza berezia eskatzeko eskabide orokorra, jabeen erkidegoak izapidetutako obra-lizentzia aipatuz.
2. Eskatzailearen NANa.
3. Erregistroko ohar soila.
4. PFEZaren azken aitorpena, baita errenta salbuetsien ziurtagiriak ere.
5. Aitortutako desgaitasunaren ziurtagiria. Hala badagokio
6. Genero-indarkeriaren biktima izatearen egiaztagiria. Hala badagokio
7. Terrorismoaren biktima-izaera egiaztatzea. Hala badagokio
8. Mendetasun-egoera. Hala badagokio
9. Familia-liburua edo familia ugariaren txartelaren kopia. Hala badagokio
10. Udalari baimena ematen dion agiria sinatuta, zeinaren bidez baimena ematen baitzaio Jabetza Erregistroan inskribatzeko laguntza honen onuradun izan izanaren idatzoharra eta, inter vivos eskualdatu edo kostu bidez lagatzen bada, itzultzeko betebeharra, babes-espedientea edo obraren amaierako ziurtagiria behin betiko kalifikatzen denetik 5 urte igaro baino lehen.
11. Zinpeko aitorpena, honako kontzeptu hauek jasotzen dituena:

• Eskaera honen xede den etxebizitzaz bestelako baten jabea ez izatea, % 25eko koefizientean edo hortik gora.
• Diruz lagundutako etxebizitza ez den beste etxebizitza bateko gozamenduna ez izatea.
• PFEZean aitortutakoak eta aitortutako errenta salbuetsiak ez diren beste diru-sarrerarik ez jasotzea, baldin eta urteko zenbateko agregatua 500 eurotik gorakoa bada.
• Familia- edo bizikidetza-unitatearen osaera

Eskaerak

Eskabideak Zizur Nagusiko Udaleko Erregistro Orokorrean aurkeztuko dira, Hirigintza Arloari zuzenduta, edo Administrazio Publikoen Administrazio Prozedura Erkidearen urriaren 1eko 39/2015 Legearen 16.4 artikuluan aurreikusitako edozeinetan.

Deialdi honetan dirulaguntzak eskatzeko epea 2026ko azaroaren 30ean amaituko da.

17. NAO - 2026ko martxoaren 5a

Informazioa

Área de Urbanismo / Hirigintza arloa

• Erreniega Parkea / Parque Erreniega, s/n  - 31180 Zizur Mayor/Zizur Nagusia
• 948 18 19 00 / urbanismo.hirigintza@zizurnagusia.eus

Jakinarazpenak
Dirulaguntza ematea ebazteko organo eskuduna Alkatetza izango da. Ebazteko eta jakinarazteko epea, gehienez, sei hilabetekoa izango da. Epe horretan berariazko ebazpenik jakinarazten ez bada, aurkeztutako eskaera administrazio-isiltasunez ezetsi dela ulertu ahal izango da.